اربح المال من اختصار الروابط

تدوينة بعنوان ما هو نظام 64 و 32 بت والفرق بينهما

السلام عليكم

عنوان المقالة: "شنو يعني  64-bit و 32-bit"

اكيد هواي مارة عليكم من تشترون وندوز من محل تلكون مكتوب علة الكفر 64-bit و 32-bit,  واكيد اسائلتو هواي انو يعني شنية هاي الارقام وشنو فائدتهة، اكو ناس جوز عدهة معلومة انو الوندوز ال 64 حيكون اسرع من ال 32, وهذة الشي صحيح، بس هية شنية هاي شنو معناهة؟

بشكل بسيط، الهندسة مال المعالجات مال الحاسبات والموبايلات والراوترات والاجهزة مال الالعاب وغيرهة شون نكول تتكون من 32 او 64 خلية، هاي الخلايا تخيلوهة كانما هية شوارع، هاي الشوارع شتنقل، تنقل معلومات، فيعني من نكول معالج 32 يعني هذة ينقل 32 معلومة، بنفس الوقت، من نكول 64 يعني هذة ينقل 64 معلومة بنفس الوقت. احنة اذا نجي نحجي علميا فهية مو بالضبط 32 معلومة او 64 معلومة بس اني داريد اوصللكم فكرة بابسط شكل ممكن.

احنة اذا ندخل بتفاصيل اكثر فال bit الوحدة تنقل قيميتين رياضية، الي هية 0 و 1 , والصفر والواحد هية اللغة الي تفتهمة الحاسبة والحاسبة هية مو بس يعني الحاسبة الي هية لابتوب او دسكتوب، داقصد اي  منظومة تتكون من معالج ورام ومذر بورد وغيرهة. يعني اني من اجي اكتبلهة اسمي،
مثلا "Ali Shihab" ، الحاسبة حتجي اترجم اسمي الى ارقام صفر وواحد حتة هية واجزاء الحاسبة كلهة تفتهم اني اشدخلتلهة، يعني هسة اسمي الحاسبة من حترجمة حيكون هيج:

01000001 01101100 01101001 00100000 01110011 01101000 01101001 01101000 01100001 01100010

هذة كليتة اسمي بس بلغة الحاسبة. كلش هواي مو؟ هاي اذا اكتب اسم جدي وجد جدي واسم العائلة شيصير لعد؟
بس هية هاي كل مجموعة صفر وواحد من ذني ايمثل حرف، يعني حرف A = 01000001

فيعني انو اذا عدنة معالج 32-bit لازم انصب علية وندوز 32-bit لان الوندوز ال 64-bit ميعرف يتفاهم وية معالج 32-bit, كل واحد وطريقة تفاهمة شكل. والعكس صحيح. وطبعا هذة ينطبق على اي سوفتوير، يعني مثلا اندرويد و اوبنتو و iOS و OSX و لينكس واي سوفتوير كان مراح يشتغل وية معالج يختلف عنة، السوفتوير ال 32 وية معالج 32 والسوفتوير ال 64 وية المعالج ال 64.

وطبعا هية المعالجات مبدت من 32 وبعدين صارت 64,  بدت من 1-bit وبعدين 4-bit وبعدين 8-bit وبعدين 16-bit وظلت تطور الى ان وصلت 64-bit وطبعا انو اذا احنة عدنة جهاز ميحتاج معالج اكثر من 8-bit مثلا فماكو داعي اسويلة معالج ابو ال 16-bit لان هذة صرف زايد وحياخذ كهرباء زايدة صح هية فدشي كلش بسيط بس يعني تفرق بالصناعة والتكلفة والطاقة. اذا نجي نحسبهة.

ومعلومة اخرى انو المعالج ابو 32-bit يتحمل رام 4 كيكا اقصة شي. فيعني اذا خالين معالج 32-bit و خالين رام 28 كيكا مثلا، فبس 4 كيكا حيستعملهة المعالج، ال 24 كيكا الباقية هيج بالزبل. انما ال معالج ال 64-bit يتحمل رام 16 بليون كيكا! كلش هواي يعني اني هيج من عرفت كلش انبهرت! يعني اني من اشوف 16 كيكا هيج اكول خرب انة شكد شكاكية هاي الحسابة، لو 16 بليون كيكا! ماعرف هيج عقلي مراح يستوعب هالشي اذا شفتة يمكن.

وبالمستقبل حيكون اكو 128-bit و 256-bit .

كون هالشي جان مفيك الكم. لايك وشير وشكراً 🌀

كاتب المقالة:- علي شهاب احمد .

منقووول 👍
مدونة احمد المسعودي  ❤

Previous
Next Post »